INTERPRESA

PRODUCZIUN

Il sectur «Producziun» cumpiglia il process da la racolta da la planta fin a l'autorisaziun dals preparats. En il center stat la garanzia da la qualitad dals preparats a basa da vistga che resguarda aspects specificamain antroposofics.

Per ch'ils preparats a basa da vistga stettian a disposiziun dovri ina coordinaziun stretga dals process davent da la racolta da la planta fin a la magasinaziun dals medicaments pronts per la vendita. I na sa tracta betg mo da racoltar plantas da vistga d'auta qualitad per l'elavuraziun actuala, mabain era d'avair a disposiziun ina populaziun da plantas ospitantas per garantir in provediment da vistga durabel.

Sin fundament da la graduaziun temporala che pretenda l'elavuraziun specificamain antroposofica da la vistga e per segirar il provediment da preparats a basa da vistga senza interrupziun ston vegnir resguardads era svilups dal martgà a termin mesaun.

Per garantir ina producziun che correspunda als basegns vegnan planisadas, coordinadas ed armonisadas precisamain la racolta da la planta, l'elavuraziun farmaceutica e la vendita dals preparats a basa da vistga.