LA VISTGA
LA CULTIVAZIUN DA LA VISTGA
Dapi ditg vali sco gronda sfida da cultivar vistgas sin plantas che servan en la natira strusch da planta ospitanta.
Per ina cultivaziun da la vistga durabla sin ruvers ed ulms dovri lieus cun in clima adattà e cun cundiziuns da terren optimalas. Là pon las plantas tschernidas sviluppar cumplainamain lur disposiziun sco plantas ospitantas e crescher sut cundiziuns optimalas.
Sin roms en la periferia da la tschima vegnan l'emprim repartids sems da vistga. En il decurs da plirs onns sa sviluppan da quels giuvnas chaglias da vistga. Pli tard pon utschels surpigliar l'ulteriura derasaziun da la vistga.
