LA VISTGA
ILS RITMUS DA LA VISTGA
Il plaun svilup da la vistga ch'è era limità localmain è suttamess a ritmus severs en il decurs da l'onn.
La fin da matg enfin la fin da zercladur creschan ils giuvens romins da vistga en in moviment oscillant sincron. Uschia sa schlian ils chatschs annuals da l'orientaziun verticala e sa drizzan vers il center da la chaglia da vistga.
Il medem mument sa furman en ils brumbels ils organs dals romins da vistga che vegnan a sa sviluppar la proxima primavaira. Suenter ch'il pèr da fegls è sa furmà, è terminada mez zercladur la creschientscha vegetativa. Empè da nova feglia vegnan furmadas las flurs.
La transfurmaziun pertutga er ils fritgs: enfin la fin da zercladur concentrescha il sem da vistga tessì nutritiv, a partir dal fanadur percunter vegnan sviluppads ils embrios da vistga.
Las transfurmaziuns ritmicas dal fritg da la vistga laschan supponer che sia creschientscha è era colliada cun il moviment da la glina e ses viadi tras ils maletgs dal zodiac.
