PREPARATS A BASA DA VISTGA

PROVEDIMENT DURABEL

Sin tschertas plantas è la vistga rara. Mesiras specificas gidan a segirar il provediment durabel per intents farmaceutics.

La basa per segirar in provediment da vistga durabel è la registraziun da l'effectiv da plantas da racolta selvadias, sin las qualas creschan vistgas ed ina planisaziun prospectiva. L'Iscador SA sa referescha en quel connex a la lavur da l'Associaziun per la perscrutaziun dal cancer che sa deditgescha dapi decennis a questa incumbensa, cunzunt quai che reguarda plantas ospitantas raras sco il ruver e l'ulm.

Per in provediment durabel da vistgas d'auta qualitad dovri lieus cun in clima adattà e cun cundiziuns da terren optimalas. Qua pon las plantas ospitantas crescher sut relaziuns protegidas.

La derasaziun natirala da la vistga è dependenta da tschertas spezias d'utschels. Sems da vistga pon però era vegnir plazzads a maun sin ils romins giuvens en la tschima. Da quels sa sviluppan entaifer 12 fin 15 onns chaglias da vistga racoltablas.

In'ulteriura incumbensa d'ina tgira durabla da l'effectiv da vistgas è era da limitar il dumber da vistgas sin las plantas ospitantas, per che quellas na pateschian betg.