LA VISTGA
FURMA E SVILUP
La vistga sa differenziescha d'autras plantas da flur areguard bleras caracteristicas botanicas. Spezialmain en egl dat il plaun svilup da las chaglias da vistga radundas sco cullas.
Tuttina sco tut las spezias da vistga na fa era la vistga alva betg ragischs che penetreschan en la terra per absorbar là aua e substanzas mineralas. Il scherm da la vistga sviluppa in uschenumnà austori ch'al collia cun la circulaziun d'aua da la planta ospitanta e ch'al proveda cun aua, minerals e tschertas substanzas organicas.
En cumparegliaziun cun la plipart da las plantas da flur sa sviluppa il scherm da la vistga alva fitg plaun. Empè da furmar durant ina perioda da vegetaziun spert blera feglia per ina fotosintesa optimala sa sviluppa dal brumbel mintgamai mo in cost cun in pèr simpel da fegls. Chaglias da vistga grondas han perquai savens dapli che diesch onns.
Per la vistga alva ha prioritad la furmaziun dals fritgs alvs traglischants che sa sviluppan da flurs simplas.
